சென்னை: கோயம்பேடு மார்க்கெட்டில் கடந்த சில நாட்களுக்கு முன்பு ரூ.20-க்கு விற்பனை செய்யப்பட்ட தக்காளி, தற்பொழுது ரூ.60-க்கு விற்பனை செய்யப்படுகிறது. இதனால் பொதுமக்கள் அதிர்ச்சி அடைந்துள்ளனர். கடந்த மூன்று நாட்களாக கிடுகிடுவென தக்காளியின் விலை உயர்ந்துள்ளதாக கூறப்படுகிறது.
கர்நாடகா, ஆந்திரா உள்ளிட்ட மாநிலங்களில் மழை காரணமாக தக்காளியின் விளைச்சல் பாதிக்கப்பட்டுள்ளது. இதனால் தக்காளியின் வரத்து குறைந்துள்ளது. திடீரென உயர்ந்துள்ள தக்காளியின் விலை குறித்து நம்மிடையே பேசிய கோயம்பேடு காய்கறி மார்க்கெட்டின் தலைவர் சௌந்தரராஜன், "கடந்த சில நாட்களாக கர்நாடகா, ஆந்திரா பகுதிகளில் கனமழை பெய்து வருகிறது. இதன் மூலம் விளைச்சல் பாதிக்கப்பட்டுள்ளதால் வரத்து குறைந்துள்ளது. இதனால் தக்காளியின் விலை கிடுகிடு என உயர்ந்துள்ளது. கோயம்பேடு மார்க்கெட்டில் வழக்கமாக 60 லாரிகளில் தக்காளி வந்துகொண்டு இருந்த நிலையில் தற்பொழுது 40 லாரிகளில் வருகிறது.