இந்தியாவில் அதிவேகமாக பரவி வரும் கரோனா வைரஸால் இதுவரை 1 லட்சத்து 65 ஆயிரம் பேர் பாதிக்கப்பட்டுள்ளனர். உயிரிழந்தவர்களின் எண்ணிக்கை 4 ஆயிரத்தை கடந்துள்ளது. இந்நிலையில், மகாராஷ்டிரா, டெல்லி, குஜராத், உத்தரப் பிரதேசம், மத்திய பிரதேசத்திற்கு அடித்தப்படியாக கரோனா வைரஸால் பாதிக்கப்படுபவர்களின் எண்ணிக்கை தமிழ்நாட்டில் அதிகரித்து வருகிறது.
தமிழ்நாட்டில் நேற்று (மே 29) வரை 20 ஆயிரத்து 246 பேர் பாதிக்கப்பட்டிருந்த நிலையில், இன்று (மே 30) ஒரே நாளில் 938 பேர் கரோனாவால் பாதிக்கப்பட்டனர். இதையடுத்து தமிழ்நாட்டில் பாதிக்கப்பட்டவர்களின் எண்ணிக்கை 21 ஆயிரத்து 184 ஆக அதிகரித்துள்ளது.