ஊரக உள்ளாட்சித் தேர்தல் பரப்புரையில் அரசியல் கட்சியினர், சுயேச்சை வேட்பாளர்களுக்கு தமிழ்நாடு தேர்தல் ஆணையம் பல்வேறு கட்டுப்பாடுகளை விதித்துள்ளது. அதன்படி...
- ஒலிபெருக்கிகளை பொதுமக்களுக்கு இடையூறு இல்லாமலும், தேர்தல் நடத்தை விதிகளைக் கடைப்பிடித்து பயன்படுத்த வேண்டும்.
- காலை 6 மணி முதல் இரவு 10 மணி வரை மட்டுமே ஒலிபெருக்கிகளை பயன்படுத்த வேண்டும்.
- பொதுக்கூட்டங்கள், ஊர்வலங்களில் ஒலிபெருக்கிகளைப் பயன்படுத்த சம்பந்தப்பட்ட காவல் நிலையத்தில் அனுமதி பெற்றிருக்க வேண்டும்.
- பொது அமைதிக்கு பாதிப்பு ஏற்படாத வகையில் அனுமதிக்கப்பட்ட நேரங்களில் மட்டுமே பயன்படுத்த வேண்டும்.
- இந்தக் கட்டுப்பாடுகள் மீறப்பட்டாலோ அல்லது வேறு வகைகளில் பொதுமக்களுக்கு இடையூறு ஏற்பட்டாலோ ஒலிபெருக்கிகள், அவை சம்பந்தப்பட்ட கருவிகள் அனைத்தும் பறிமுதல் செய்யப்படும் எனத் தெரிவிக்கப்பட்டுள்ளது.
அதேபோல்,
- பதாகைகள், சுவரொட்டிகள், சின்னங்கள் வரைதல் உள்ளிட்டவைகளுக்கும் கட்டுப்பாடுகள் விதிக்கப்பட்டுள்ளன. அதன்படி, பொது இடங்களில் சுவர்கள் உள்ளிட்டவை தனியாருக்குச் சொந்தமானது என்பதால், அத்தகைய இடங்களில் உரிமையாளர்கள் அனுமதி இருந்தாலும் எழுதுவதோ, சுவரொட்டிகள் ஒட்டுவதோ கூடாது.