இனி பழையபடி டாஸ்மாக் - அரசு அறிவிப்பு

டாஸ்மாக் மதுபான கடைகள் மீண்டும் பழைய வழக்கப்படி நண்பகல் 12 மணி முதல் இரவு 10 மணி வரை இயங்கும் என தமிழ்நாடு அரசு அறிவித்துள்ளது.

சென்னை: கரோனா தொற்று காரணமாக தமிழ்நாட்டில் உள்ள டாஸ்மாக் மதுபானக்கடைகள் ஜூலை மாதம் முதல் காலை 10மணி முதல் இரவு 8 மணி வரை இயங்கி வந்தது. இந்நிலையில், மீண்டும் பழைய நேரப்படி நண்பகல் 12மணி முதல் இரவு 10மணி வரை இயங்கும் என தமிழ்நாடு அரசு இன்று (டிசம்பர் 3) அறிவித்துள்ளது.

கரோனா தொற்று பரவல் குறைந்து உள்ள நிலையில், மீண்டும் பழைய நேரப்படி விதிகளை பின்பற்றி இயங்க அறிவுறுத்தப்பட்டுள்ளது. டாஸ்மாக் பணியாளர்கள் இரண்டு தவணை தடுப்பூசி போட்டு கொள்ள வேண்டும் உள்ளிட்ட விதிமுறைகளை கண்டிப்பாக பின்பற்ற வேண்டும் எனவும் தெரிவிக்கப்பட்டுள்ளது.

புது வருடப் பிறப்பு, கிறிஸ்துமஸ், பொங்கல் விடுமுறை என அடுத்தடுத்து பண்டிகைகள் வர இருப்பதால் வருவாயை உயர்த்தும் பொருட்டு நேரத்தை மாற்றி அமைத்து உத்தரவிட்டுள்ளது.