தமிழ்நாட்டில் 1218 பேருக்கு கரோனா

தமிழ்நாட்டில் கரோனா வைரஸ் தொற்றினால் ஏற்படும் பாதிப்புகளின் எண்ணிக்கை தொடர்ந்து குறைந்து வருகிறது. இன்று மட்டும் 1218 பேர் தொற்றால் பாதிக்கப்பட்டுள்ளனர் என மக்கள் நல்வாழ்வுத் துறை அமைச்சகம் தெரிவித்துள்ளது.

tamil nadu covid 19 bulletin on october 17

Published : Oct 17, 2021, 11:10 PM IST

சென்னை: அக்டோபர் 17ஆம் தேதிக்கான கரோனா தொற்று விவரம் குறித்து மருத்துவம் மற்றும் மக்கள் நல்வாழ்வுத்துறை அமைச்சகம் செய்திக் குறிப்பு வெளியிட்டுள்ளது.

அதில், "ஒரு லட்சத்து 27 ஆயிரத்து 843 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டதில், புதிதாக 1218 நபர்களுக்கு கரோனா வைரஸ் தொற்று கண்டறியப்பட்டுள்ளது. சிகிச்சை பலனின்றி 15 பேர் இறந்துள்ளனர்.

தமிழ்நாட்டில் இதுவரை 4 கோடியே 84 லட்சத்து 94 ஆயிரத்து 686 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டது. இதன்மூலம் 26 லட்சத்து 87 ஆயிரத்து 92 பேர் கரோனா வைரஸ் தொற்று பாதிப்பிற்கு உள்ளாகி இருந்தனர் என்பது கண்டறியப்பட்டது.

இவர்களில் தற்போது மருத்துவமனைகள் மற்றும் தனிமைப்படுத்தும் மையங்களில் 14 ஆயிரத்து 814 பேர் சிகிச்சை பெற்று வருகின்றனர். மேலும் மருத்துமனையில் சிகிச்சை பெற்று வந்த நோயாளிகள் குணம் அடைந்த 1411 பேர் வீட்டிற்கு அனுப்பி வைக்கப்பட்டுள்ளனர். இதனால் குணமடைந்தவர்கள் எண்ணிக்கை 26 லட்சத்து 36 ஆயிரத்து 379 என உயர்ந்துள்ளது.

மேலும் தனியார் மருத்துவமனையில் 6 நோயாளிகளும் அரசு மருத்துமனையில் ஒன்பது நோயாளிகளும் என 15 நோயாளிகள் சிகிச்சை பலனின்றி இறந்துள்ளனர். இவர்களுடன் சேர்த்து இறந்தவர்கள் எண்ணிக்கை 35,899 ஆக உயர்ந்துள்ளது.

மாவட்ட வாரியாக மொத்த பாதிப்பு