தமிழ்நாட்டின் முன்னாள் முதலமைச்சரும், மறைந்த திமுக தலைவருமான மு.கருணாநிதியின் 2ஆம் ஆண்டு நினைவு நாள் இன்று (ஆக.7) கடைபிடிக்கப்படுகிறது.
இதனையொட்டி திமுக தலைவர் மு.க.ஸ்டாலின் மெரினா கடற்கரையில் உள்ள கலைஞர் நினைவிடத்தில் மலர் தூவி மரியாதை செலுத்தினார்.
இந்நிகழ்வில், துரைமுருகன், டி.ஆர்.பாலு, கனிமொழி, தயாநிதி மாறன் உள்ளிட்ட கட்சியின் மூத்த நிர்வாகிகள், இளைஞரணி செயலாளர் உதயநிதி ஸ்டாலின் உள்ளிட்டவர்கள் கலந்துகொண்டனர்.
மேலும் தொண்டர்கள் பலரும் மு.கருணாநிதி நினைவிடத்தில் மரியாதை செலுத்தினார்கள்.
கருணாநிதி நினைவு நாளை முன்னிட்டு திமுக சார்பில் இன்று பல்வேறு நலத்திட்ட உதவிகள் வழங்க ஏற்பாடுகள் செய்யப்பட்டுள்ளன.
அதன் ஒரு பகுதியாக, கரோனா பேரிடரில் பணி செய்து வருபவர்களுக்கும், ஏழை மக்களுக்கும் ஸ்டாலின் உதவிகளை வழங்கினார். முன்னதாக கருணாநிதி நினைவிடம் அமைந்துள்ள பேரறிஞர் அண்ணா நினைவிடத்திலும் திமுக தலைவர் மு.க.ஸ்டாலின் உள்ளிட்ட நிர்வாகிகள் மரியாதை செலுத்தினர்.
இதையும் படிங்க: தமிழ் என் உயிர் மூச்சு - வையகம் போற்றும் கலைஞரின் இரண்டாவது நினைவு நாள்