சென்னை மாவட்டத்தில் மொத்தம் 16 சட்டப்பேரவை தொகுதிகள் உள்ளன. இங்குள்ள 4, 5, 6, 8, 9, 10, 13 ஆகிய வாக்குச்சாவடி மையங்களில் பொதுமக்களின் பார்வைக்காக வரைவு வாக்காளர் பட்டியல் வைக்கப்பட்டுள்ளது. இம்மையங்களுக்கு சென்று பெயர் சேர்ப்பு, நீக்கம், திருத்தம், தொகுதி இடமாற்றம் போன்றவற்றை செய்து கொள்ளலாம். முதல் கட்டமாக இன்றும் நாளையும் நடக்கும் இந்த சிறப்பு முகாம், இரண்டாம் கட்டமாக அடுத்த மாதம் 12 மற்றும் 13 ஆகிய தேதிகளில் நடைபெறும்.
இங்கு மொத்தமாக 5 படிவங்கள் உள்ளன. அதில் படிவம் 6 பெயர் சேர்த்தலுக்கும், படிவம் 6A கடவுசீட்டு வைத்திருக்கும் வெளிநாடு வாழ் இந்தியர்கள் திருத்தம் மேற்கொள்வதற்கும், படிவம் 7 பெயரை நீக்குவதற்கும் பயன்படும். மேலும், பெயரில் திருத்தம் செய்ய படிவம் 8ம், தொகுதி இடமாற்றம் செய்ய படிவம் 8Aம் வைக்கப்பட்டுள்ளன.
பெயர் சேர்க்க, நீக்க, திருத்த, சிறப்பு முகாம்!