இதுகுறித்து தொடக்கக் கல்வித் துறை இயக்குநர் பழனிசாமி, கல்வித் துறை அலுவலர்களுக்கு அனுப்பியுள்ள கடிதத்தில்,
- வட்டாரக் கல்வி அலுவலர்கள் முன் அறிவிப்பு இல்லாமல் பள்ளிகளுக்குச் சென்று காலை வழிபாட்டுக் கூட்டத்தில் கலந்துகொள்ள வேண்டும்.
- ஒரு மாதத்திற்கு 20 பள்ளிகளை முன் அறிவிப்பு இல்லாமல் பார்வையிடுவதுடன் 5 பள்ளிகளை ஆண்டாய்வு செய்ய வேண்டும்.
- அவ்வாறு ஆய்வு செய்யும்போது குறைந்தது இரண்டு மணி நேரம் அங்கு இருத்தல் வேண்டும்.
- அனைத்து வகுப்புகளுக்கும் சென்று மாணவர்களின் கற்றல் திறன், வாசிப்புத் திறன், எழுதும் திறன், மாணவர்கள் வருகைப் பதிவேடு உள்ளிட்ட ஆவணங்களைச் சரிபார்க்க வேண்டும்.
- தொலைக்காட்சிப் பெட்டி, கணினி, மடிக்கணினி, ஆங்கில அகராதி பயன்பாடு, அறிவியல் மற்றும் கணக்கு உபகரணப்பெட்டி உள்ளிட்டவற்றின் பயன்பாடுகளை ஆய்வு செய்ய வேண்டும்.
- மாணவர்களின் ஆங்கில பேச்சுத்திறனை அதிகரிக்க ஆங்கிலப் பயிற்சி புத்தகங்கள் அளிக்கப்பட்டுள்ளன. அதைக்கொண்டு வாரம் ஒரு முறை மாணவர்களுக்கு ஆசிரியர்கள் ஆங்கில பேச்சுப் பயிற்சி அளிப்பதை உறுதி செய்ய வேண்டும். அரசுப் பள்ளி மாணவர்கள்
- நடுநிலைப் பள்ளி வளாகங்களிலுள்ள அங்கன்வாடி மையங்களில் தொடங்கப்பட்ட எல்கேஜி, யூகேஜி வகுப்புகளில் கல்விச் செயல்பாடுகளை ஆய்வு செய்ய வேண்டும்.
- மாதம்தோறும் தலைமையாசிரியர்களுக்கான கூட்டத்தை நடத்தி, நீண்ட நாட்களாகப் பள்ளிக்கு வராத மாணவர்கள் குறித்து கண்டறிந்து, அவர்கள் மீண்டும் பள்ளிக்கு வருவதற்கான நடவடிக்கைகளை மேற்கொள்ள வேண்டும்.
- கல்வித் தகவல் மேலாண்மை முறைமை இணையதளத்தில் பதிவேற்றம் செய்யப்பட்டுள்ள மாணவர்களின் விவரத்தை பள்ளியிலுள்ள பதிவேடு விவரத்துடன் ஒப்பிட்டு ஆய்வு செய்ய வேண்டும்.
- மாணவர்கள் போதுமான அளவு தண்ணீர் அருந்துவதை உறுதி செய்ய வேண்டும்.
- தினமும் உடற்பயிற்சிகள் காலை வழிபாட்டுக் கூட்டத்திற்கு முன்னர் 15 நிமிடங்களும், மாலையில் 45 நிமிடங்களும் நடைபெறுவதை உறுதி செய்ய வேண்டும். யோகா மற்றும் பாட இணைச் செயல்பாடுகள் பள்ளியில் நடைபெறுவதை ஆய்வு செய்ய வேண்டும்.