சென்னை:செயிண்ட்-கோபைன் இந்தியா, காஞ்சிபுரத்தில் உள்ள ஐஐஐடிடிஎம் படிக்கும் மாணவிகளுக்கு உதவித்தொகை வழங்க 2.29 கோடி ரூபாயை நன்கொடையாக வழங்கி உள்ளது. இதனால் 8 ஆண்டுகளில் 40 மாணவிகளுக்கு உதவித்தொகை அளிக்கப்பட உள்ளது.
செயிண்ட்-கோபைன் இந்தியா மற்றும் இந்திய தகவல் தொழில்நுட்பம், வடிவமைப்பு மற்றும் உற்பத்தி நிறுவனத்தில் பி.டெக் படிக்கும் மாணவிகளுக்கு கல்வி உதவித்தாெகை வழங்குவதற்கான புரிந்துணர்வு ஒப்பந்தத்தில் கையெழுத்திட்டுள்ளன.