மின் வாரிய துறையில் வட்டி குறைப்பு காரணமாக ரூ.2,200 கோடி சேமிப்பு - அமைச்சர் செந்தில் பாலாஜி

மின் வாரிய துறையில் வட்டி குறைப்பு காரணாமாக சுமார் ரூ.2,200 கோடி சேமிக்கப்பட்டுள்ளதாக அமைச்சர் செந்தில் பாலாஜி தெரிவித்துள்ளார்.

சென்னை: மின்சார துறை தலைமை அலுவலகத்தில் அலுவலர்களுடன் அமைச்சர் செந்தில் பாலாஜி இன்று (மார்ச் 28) ஆலோசனை மேற்கொண்டார். பின்னர் செய்தியாளர்களிடம் பேசிய அவர், "மின் வாரிய துறையில் வட்டி குறைப்பு காரணாமக ரூ.2,200 கோடி அளவிற்கு சேமிப்பு உருவாகியிருக்கிறது. ஒரு லட்சம் விவசாயிகளுக்கான மின் இணைப்பு திட்டம் ஒரு மாதத்திற்குள் நிறைவடைய உள்ளது. கோடைக்காலத்தில் கூடுதலாக உற்பத்தி செய்ய வேண்டிய காலகட்டத்தில் நாம் இருக்கிறோம்.

20,114 மில்லியன் யூனிட் மின் உற்பத்தி அதிகரித்து இருக்கிறோம். ஒரு நாளைக்கு 72 ஆயிரம் டன் நிலக்கரி தேவை இருக்கிறது. 50 ஆயிரம் டன் நிலக்கரி தான் மத்திய அரசிடம் இருந்து வந்து கொண்டிருக்கிறது.

தேவையான அளவு நிலக்கரி மத்திய அரசு கொடுக்க வேண்டும். 2006 இல் வட சென்னையில் தொடங்கப்பட்ட மின் உற்பத்தி திட்டம் 2019 ஆம் ஆண்டு நிறைவு பெற்று இருக்க வேண்டும். ஆனால் அதிமுக அரசு அதனை செய்யவில்லை.

இந்த ஆண்டு டிசம்பர் மாதம் முதல் வடசென்னையில் இந்த திட்டத்தின் மின் உற்பத்தி தொடங்க உள்ளது. வரும் காலங்களில் சூரிய சக்தி, மின்சாரம் உற்பத்தி செய்யப்படுவதற்கான டெண்டர் விடப்பட்டது. அண்ணாமலை நிலக்கரி முறைகேடு என்று கூறினால் என்ன ஆதாரம் என்று காட்ட வேண்டும்.

எந்த ஆதாரத்தின் அடிப்படையில் குற்றம் கூறுகிறார் என தெரியபடுத்த வேண்டும். முறையான குற்றச்சாட்டுகளுக்கு பதிலளிக்க தயாராக இருக்கிறேன். சிலர் பத்திரிக்கையில் வர வேண்டும் என்பதற்காக கருத்துக்களை தெரிவித்து வருகிறார்கள்" என்றார்.

இதையும் படிங்க:ஈரோடு பள்ளியில் கொடுமை; குழந்தைகளை கழிவறை சுத்தப்படுத்த வைக்கும் ஆசிரியை!