சென்னை: கீழ்ப்பாக்கம் பச்சையப்பன் கல்லூரி வாசலில் பேருந்துகளில் இருந்து இறங்கி வந்த இருதரப்பு மாணவர்கள் திடீரென மோதலில் ஈடுபட்டனர். அங்கு நின்றிருந்த ரோந்து காவல் துறையினர் ஓடி வந்ததும் மாணவர்கள் தப்பி ஓடி விட்டனர்.
இதையடுத்து காவல் துறையினர் பச்சையப்பன் கல்லூரியின் பின்புற வாசல் அருகில் டிரான்ஸ்பார்மரில் தொங்கி கொண்டிருந்த பை ஒன்றை மீட்டு சோதனை செய்தனர். அதில் 8 கத்திகள் இருந்தன. அதனை பறிமுதல் செய்த காவல் துறையினர் சந்தேகத்தின்பேரில் 4 பேரிடம் விசாரணை நடத்தி வருகின்றனர்.