இவ்விவகாரம் தொடர்பாக மத்திய கல்வி அமைச்சர் ரமேஷ் பொக்ரியாலுக்கு அவர் கடிதம் ஒன்றை எழுதியுள்ளார். அதில், " 2020-21 மாணவர் சேர்க்கையில் தேசிய சட்ட பல்கலைக்கழகத்தில் இதர பிற்படுத்தப்பட்ட பிரிவு மாணவர்களுக்கான இடஒதுக்கீடு முறை, உள்நோக்கத்துடன் பின்பற்றப்படவில்லை. தேசிய சட்ட பல்கலைக்கழகம் நடத்தும் நுழைவுத்தேர்வில் இளங்கலை, முதுகலை என இரண்டிலும் இடஒதுக்கீடு பூஜ்யம் சதவீதமாக உள்ளது.
மத்திய கல்வி நிறுவனம் பிரிவு 2006 மற்றும் யுஜிசி விதிகளின்படி கல்லூரி மாணவர் சேர்க்கையின் போது, இதர பிற்படுத்தப்பட்ட பிரிவு மாணவர்களுக்கு, கட்டாயமாக 27% இடஒதுக்கீடு வழங்க வேண்டும். ஆனால், இதை தேசிய சட்ட பல்கலைக்கழகம் பின்பற்றவில்லை. இதனால் இதர பிற்படுத்தப்பட்ட பிரிவு மாணவர்கள் பெரிதும் பாதிப்படைந்து, மேநிலை கல்லூரிகளில் நுழைய முடியாமல் போயுள்ளது.