புதுச்சேரி, லிங்காரெட்டிபாளையத்தில் கூட்டுறவு சர்க்கரை ஆலை உள்ளது. இந்த ஆலையில் சுமார் 600-க்கும் மேற்பட்ட தொழிலாளர்கள் பணிபுரிந்து வந்த நிலையில் தற்போது 100-க்கும் குறைவான பணியாளர்கள் பணிபுரிந்து வருகின்றனர்.
பல்வேறு பிரச்சினைகளுக்கிடையே மாநில அரசு தனியாருக்கு ஆலையை தாரை வார்க்கும் முடிவை கைவிடுமாறும் கூட்டுறவு ஆலையின் அனைத்து கரும்பு விவசாயிகள் சங்கம் சார்பில் கோரிக்கை விடுக்கப்பட்டு பல்வேறு போராட்டம் நடத்தப்பட்டன.
இந்நிலையில், கூட்டுறவு சர்க்கரை ஆலையை தொடர்ந்து அரசு நடத்துவதா அல்லது தனியாரிடம் விடுவதா என்பது குறித்து கருத்துக் கேட்பு கூட்டம் புதுச்சேரி கூட்டுறவு தலைமை அலுவலகத்தில் நடைபெற்றது.