சென்னை புறநகர்ப் பகுதிகளில் கடந்த இரண்டு நாள்களாக இரவு நேரங்களில் பலத்த மழை பெய்துவருகிறது. மேலும், சென்னை, தாம்பரம், முடிச்சூர் பிரதான சாலையில் மெட்ரோ குடிநீருக்காகவும், பாதாள சாக்கடைப் பணிக்காகவும் பள்ளம் தோண்டப்பட்டு சரியான முறையில் மூடப்படாததால் சாலை முழுவதும் சேறும் சகதியுமாகக் காணப்படுகிறது.
மேலும், அந்தப் பள்ளத்தில் நேற்று இரவு (செப்.21) பெய்த கனமழையால் நீர் தேங்கியுள்ளது. இதனால், காலையில் இருந்தே அப்பகுதியில் போக்குவரத்து நெரிசல் ஏற்பட்டுள்ளது. கடும் போக்குவரத்து நெரிசலில் சிக்கி வாகன ஓட்டிகள் பெரும் அவதிப்பட்டுவருகின்றனர்.
மழைநீரில் சிக்கித்தவிக்கும் வாகன ஓட்டிகள்