காலியாகவுள்ள 55 மாநிலங்களவை உறுப்பினர் பதவிகளுக்கு தேர்தல்

டெல்லி: ஏப்ரலில் காலியாகவுள்ள 55 மாநிலங்களவை உறுப்பினர் பதவிகளுக்கான தேர்தல் வரும் மார்ச் 26ஆம் தேதி நடைபெறும் என்று அறிவிக்கப்பட்டுள்ளது.

நாடாளுமன்றத்தின் மாநிலங்களவையின் மூன்றில் ஒரு பங்கு இடங்களுக்கு இரண்டு ஆண்டுகளுக்கு ஒரு முறை தேர்தல் நடைபெறுவது வழக்கம். அதன்படி 2020ஆம் ஆண்டு ஏப்ரல் மாதத்தில் பதவிக்காலம் நிறைவடையும் 55 மாநிலங்களவை உறுப்பினர் பதவிகளுக்கு மார்ச் 26ஆம் தேதி தேர்தல் நடைபெறும் என்று தேர்தல் ஆணையம் அறிவித்துள்ளது.

தமிழ்நாட்டின் திருச்சி சிவா, ரங்கராஜன், முத்துக்கருப்பன், விஜிலா சத்யானந்த், சசிகலா புஷ்பா, கே.செல்வராஜ் ஆகிய ஆறு பேரின் பதிவிக்காலம் ஏப்ரலில் நிறைவடையவுள்ளது. இதேபோல் 17 மாநிலங்களைச் சேர்ந்த 55 உறுப்பினர்களின் பதிவிக்காலம் ஏப்ரலுடன் நிறைவடையவுள்ளது குறிப்பிடத்தக்கது.

இதையும் படிங்க: 'மக்கள் புறக்கணிக்கும் திட்டங்களை குடியரசுத் தலைவர் புகழ்ந்துள்ளார்' - திருச்சி சிவா விமர்சனம்