குஜராத் ஹெராயின் கடத்தல் வழக்கு: சென்னையில் என்ஐஏ அதிரடி ரெய்டு

குஜராத் முந்த்ரா துறைமுகத்தில் கப்பல் வழியாக போதைப் பொருள் கடத்த முயன்ற வழக்கில் கைதுசெய்யப்பட்ட மச்சாவரம் சுதாகர் என்பவரது வீடு, வாகனங்களில் தேசிய புலான்யவு முகமை அலுவலர்கள் சோதனை செய்தனர்.

சென்னை: குஜராத் முந்த்ரா துறைமுகத்தில் கப்பல் வழியாக கடத்த முயன்ற ரூ. 21 ஆயிரம் கோடி மதிப்பிலான 3,000 கிலோ ஹெராயின் போதை பொருள் விவகாரத்தில் சென்னையைச் சேர்ந்த மச்சாவரம் சுதாகர், துர்கா, ராஜ்குமார் உள்பட 8 பேர் வருவாய் நுண்ணறிவு பிரிவு (DRI) அலுவலர்களால் கைது செய்யப்பட்டனர்.

இந்த விவகாரத்தில், பல நாடுகளின் தொடர்பு இருப்பதால் வழக்கு விசாரணை என்.ஐ.ஏ-விற்கு மாற்றப்பட்டு விசாரணை நடைபெற்று வருகிறது.

இந்நிலையில், மாங்காடு காவல் எல்லையில் உள்ள கொளப்பாக்கம் பகுதியில் அமைந்துள்ள மச்சாவரம் சுதாகர் என்பவரது வீடு, வாகனங்களில் ஆகியவற்றில் 10க்கும் மேற்பட்ட டெல்லி தேசிய புலனாய்வு முகமை அலுவலர்கள் சோதனை மேற்கொண்டு வருகின்றனர்.