சென்னையில் கடந்த இரண்டு நாட்களுக்கு முன்பு முகமது ஃஹனீப் பாகவி என்ற பெயரில், மயிலாப்பூர் கபாலீசுவரர் கோயில் உட்பட 5 கோயில்களுக்கு மிரட்டல் கடிதம் ஒன்று வந்தது. அக்கடிதத்தில் பாபர் மசூதியைப் போன்று இங்குள்ள கோயில்களையும் வெடிகுண்டு வைத்துத் தகர்க்கப்போவதாக குறிப்பிடப்பட்டிருந்தது.
இந்நிலையில், அந்தக் கடிதத்தில் குறிப்பிட்டுள்ள முகமது ஃஹனீப் பாகவியிடம் காவல் துறையினர் விசாரணை மேற்கொண்டபோது, அவரது பெயரில் அடையாளம் தெரியாத நபர் கடிதம் எழுதியிருப்பது தெரியவந்தது. இதனைத் தொடர்ந்து, ஜமாஅத் துல் உலமா அமைப்பினர் இன்று சென்னைக் காவல் ஆணையரிடம், இப்பிரச்சனையில் உரிய விசாரணைக்கோரி புகாரளித்தனர்.