சென்னை:தமிழ்நாடு சட்டப்பேரவைத் தேர்தலில் 133 தொகுதிகளை கைப்பற்றி திமுக ஆட்சியைக் கைப்பற்றிய நிலையில், திமுக தலைவர் மு.க.ஸ்டாலின் இன்று (மே 7) முதலமைச்சராக பதவியேற்றார். "முத்துவேல் கருணாநிதி ஸ்டாலின் எனும் நான்" என தனது உறுதிமொழியை தொடங்கிய ஸ்டாலினுக்கு பின், வரிசையாக மற்ற அமைச்சர்கள் பதவிப்பிரமாணமும், ரகசிய காப்பு பிரமாணமும் எடுத்துக்கொண்டனர்.
இதையடுத்து ஆளுநர் மாளிகையில் முதலமைச்சராக பதவிப்பிரமாணம் பெற்ற சில நொடிகளில், தனது ட்விட்டர் பக்கத்தின் பயோவில், "தமிழ்நாடு முதலமைச்சர்" என்றும், முகப்பு படத்தில், ’இனித் தமிழகம் வெல்லும்’ என்றும் வார்த்தை அடங்கிய புகைப்படமும் புதிதாக சேர்க்கப்பட்டுள்ளது.