சிறுபான்மையினர் ஆணைய உறுப்பினர் கௌதம் குமார் மறைவு - முதலமைச்சர் இரங்கல்!

சென்னை: தமிழ்நாடு மாநில சிறுபான்மையினர் ஆணைய உறுப்பினர் கௌதம் குமார் மறைவிற்கு முதலமைச்சர் எடப்பாடி பழனிசாமி இரங்கல் தெரிவித்தார்.

இதுகுறித்து முதலமைச்சர் எடப்பாடி பழனிசாமி வெளியிட்டுள்ள இரங்கல் செய்தியில், "தமிழ்நாடு மாநில சிறுபான்மையினர் ஆணைய உறுப்பினர் கௌதம் குமார் உடல் நலக்குறைவால் மருத்துவமனையில் அனுமதிக்கப்பட்டு, சிகிச்சை பலனின்றி 18.9.2020 அன்று காலமானார்.

அந்தச் செய்தியை கேட்டு மிகுந்த வேதனை அடைந்தேன். கௌதம் குமாரை இழந்து வாடும் அவரது குடும்பத்தினருக்கு எனது ஆழ்ந்த இரங்கலையும், அனுதாபங்களையும் தெரிவித்துக்கொள்கிறேன். அவரது ஆன்மா இளைப்பாற எல்லாம்வல்ல இறைவனை வேண்டுகிறேன்" எனக் குறிப்பிட்டுள்ளார்.

இதையும் படிங்க:மூத்த பத்திரிக்கையாளர் சுதாங்கன் மறைவு - ஓ.பி.எஸ். இரங்கல் !