சென்னை தாம்பரம் - மதுரவாயல் பைபாஸ் அருகே இரவு நேரங்களில் கஞ்சா விற்பனை செய்யப்படுவதாக வந்த தகவலையடுத்து, மதுரவாயல் இன்ஸ்பெக்டர் ராதாகிருஷ்ணன், சப் இன்ஸ்பெக்டர் சுதாகர் ஆகியோர் தலைமையில் காவல்துறையினர் இரவு நேரங்களில் ரோந்து பணியில் ஈடுபட்டனர்.
அப்போது போரூர் கார்டன் அருகே ஒருவர் மொபட்டில் நின்று கொண்டிருந்தார் அவரிடம் சென்று விசாரணை செய்தபோது முன்னுக்குப்பின் முரணாக பதில் கூறினார். அவரிடம் சோதனை செய்தபோது கஞ்சா வைத்திருப்பது தெரியவந்தது இதையடுத்து அவரை காவல் நிலையம் அழைத்துச் சென்று விசாரணை செய்தனர்.
விசாரணையில் அவர் செங்குன்றம், அலமாதி பகுதியைச் சேர்ந்த சீனு (எ) அறுப்பு சீனு(33) என்பதும், மொத்தமாக கஞ்சா வாங்கி வந்து இரவு நேரங்களில் மதுரவாயல் பைபாஸ் அருகே நின்றுகொண்டு கல்லூரி மாணவர்களுக்கு சப்ளை செய்து வந்ததும் தெரியவந்தது.