தமிழ்நாட்டில் ஊரடங்கு நீட்டிப்பு: ஞாயிற்றுக்கிழமைகளுக்கு தளர்வு; பேருந்துகள் இயங்க அனுமதி!

18:00 August 30

தமிழ்நாட்டில் அமலில் உள்ள 7ஆம் கட்ட ஊரடங்கு ஆகஸ்ட் 31ஆம் தேதியுடன் நிறைவடையும் வேளையில், 8ஆம் கட்ட ஊரடங்கு அமலுக்கு வரவுள்ளது. அதில் மாவட்டங்களுக்கு இடையில் பயணம் செய்ய இ-பாஸ் தேவையில்லை, வழிபாட்டு தலங்களுக்கு அனுமதி, பேருந்து போக்குவத்துக்கு அனுமதி போன்ற பல்வேறு தளர்வுகள் இடம்பெற்றுள்ளன. அதன் விவரங்ளை அறியலாம்.

தளர்வுகள்

• வங்கிகள் 100 விழுக்காடு பணியார்களுடன் இயங்க அனுமதி
• தொழிற்சாலைகள், தொழில்நுட்ப நிறுவனங்கள் 100 விழுக்காடு பணியாளர்களுடன் இயங்க அனுமதி
• பெரிய வணிக அங்காடிகள், 100 விழுக்காடு பணியாளர்களுடன் இயங்க அனுமதி
• பெருநகர பேருந்து சேவைகளுக்கு அனுமதி
• மாவட்டங்களுக்குள் அரசு / தனியார் பேருந்துகள் இயங்க அனுமதி
• வழிபாட்டு தலங்கள் அனைத்தையும் திறக்க அனுமதி
• வணிக வளாகங்கள், கேளிக்கை விடுதிகள் இயங்க அனுமதி
• கடைகள் 8 மணிவரை திறந்திருக்க அனுமதி
• செப்டம்பர் 7ஆம் தேதி முதல் மெட்ரோ ரயில் சேவை தொடங்க அனுமதி
• கட்டுபாடுகளுடன் படப்பிடிப்புகளுக்கு அனுமதி
• மாநிலத்திற்குள், மாவட்டங்களுக்கிடையே பயணம் செய்ய இ-பாஸ் தேவையில்லை
• ஞாயிற்றுகிழமைகளில் பிறப்பிக்கப்பட்டிருந்த முழு ஊரடங்கு நீக்கம்

நீடிக்கும் தடை

• திரையரங்குகள், சுற்றுலாத் தலங்களுக்கான தடை தொடரும்
• பள்ளிகள், கல்லூரிகள், ஆராய்ச்சி நிறுவனங்களுக்கான தடை தொடரும்