பான்கார்டு எண்ணுடன் ஆதார் எண்ணை இணைக்க வேண்டும் என்று வருமான வரித்துறை சார்பில் தெரிவிக்கப்பட்டிருந்தது. இதனையடுத்து கடந்த 3 ஆண்டுகளாக பான் எண்ணுடன் ஆதார் எண்ணை இணைக்கும் பணிகள் நடைப்பெற்று வந்தன. இதனையடுத்து பலமுறை பான் எண்ணுடன் ஆதார் எண்ணை இணைப்பதற்கான காலக்கெடுவை வருமானவரித் துறையினர் நீட்டித்துக்கொண்டே சென்றனர்.
இந்த நிலையில் இன்றுடன்(மார்ச்.31) பான் கார்டு எண்ணுடன் -ஆதார் எண்ணை இணைக்க வேண்டும் என்றும்; அது போன்று இணைக்காதவர்களுக்கு அபராதம் விதிக்கப்படும் எனவும் வருமான வரித்துறை சார்பில் தெரிவிக்கப்பட்டுள்ளது. நேற்று(மார்ச்.30) மாலை வருமான வரித்துறையின் உயரிய அமைப்பின் மத்திய நேரடி வரிகள் வாரியம் இதுதொடர்பாக அறிக்கை ஒன்றை வெளியிட்டனர்.