சென்னை ஐஸ் ஹவுஸ் பகுதியில் உள்ள தனியார் அரங்கில், சேப்பாக்கம்-திருவல்லிக்கேணி தொகுதி பாஜக சட்டப்பேரவை தேர்தல் பொறுப்பாளர் குஷ்பூ கலந்து கொண்ட நிர்வாகிகள் ஆலோசனை கூட்டம் நடைபெற்றது. அப்போது பேசிய குஷ்பூ, “ காங்கிரசில் தேசிய அளவில் பொறுப்பில் இருந்த எனக்கு, தற்போதுதான் இறங்கி வேலை செய்ய வாய்ப்பு கிடைத்துள்ளது. பெரிய பொறுப்பில் இருந்தால் ஏசி ரூமில் உட்கார்ந்து கொண்டு எதிர்க்கட்சிகளை விமர்சிக்கும் வேலை மட்டும் தான் இருக்கும் “ என்றார்.
பின்னர் செய்தியாளர்களிடம் பேசிய குஷ்பூ, ”அதிமுக சார்பில் எடப்பாடி பழனிசாமியை முதலமைச்சர் வேட்பாளராக அறிவித்துள்ளனர். ஆனால் பாஜக தலைமையிலான கூட்டணியின் முதலமைச்சர் வேட்பாளர் குறித்து தலைமை முடிவு செய்து அறிவிக்கும்.
உதயநிதிக்கு என்ன அனுபவம் இருக்கிறது? - குஷ்பூ கேள்வி!