நடிகர் அர்ஜுனின் மாமனார் காலமானார்!

நடிகர் அர்ஜுனின் மாமனாரும், கன்னட நடிகருமான கலாதபஸ்வி ராஜேஷ் உடல் நலக்குறைவால் காலமானார்.

கலாதபஸ்வி ராஜேஷ் (89) சுவாசப் பிரச்சினை காரணமாக கடந்த வாரம் மருத்துவமனையில் அனுமதிக்கப்பட்டிருந்தார். இந்நிலையில், மூச்சுத் திணறல் அதிகமானதால், அவருக்கு ஆக்சிஜன் பொருத்தப்பட்டது. எனினும் இன்று (பிப்ரவரி 19) காலை சிகிச்சைப் பலனின்றி உயிரிழந்தார்.

45 ஆண்டுகளுக்கு மேலாக நடித்துவரும் இவர் இதுவரை 150-க்கும் அதிகமான படங்களில் நடித்துள்ளார் என்பது குறிப்பிடத்தக்கது. இவரது மறைவுக்குத் திரையுலகினர், ரசிகர்கள் இரங்கல் தெரிவித்தனர்.

இதையும் படிங்க:காதலித்த பெண்ணுக்குத் திருமணம்: மனமுடைந்த உணவக மேலாளர் தற்கொலை!