கள்ளக்குறிச்சி தற்கொலை விவகாரம்: தேசிய குழந்தைகள் பாதுகாப்பு ஆணையம் ஜூலை 27 ஆம் தேதி விசாரணை

கள்ளக்குறிச்சி மாணவி உயிரிழந்த விவகாரம் தொடர்பாக தேசிய குழந்தைகள் பாதுகாப்பு ஆணையத் தலைவர் பிரியங்கா கனூங்கோ வரும் 27 ஆம் தேதி விசாரணை நடத்துகிறார்.

சென்னை: கள்ளக்குறிச்சி தனியார் பள்ளியில் 12 ம் வகுப்பு மாணவி ஸ்ரீமதி கடந்த ஜூலை 13 ஆம் தேதி மர்மமான முறையில் உயிரிழந்தார். இது குறித்து தற்பொழுது சிபிசிஐடி போலீசார் விசாரணை மேற்கொண்டு வருகின்றனர்.

இந்த நிலையில் தேசிய குழந்தைகள் பாதுகாப்பு ஆணையத்தின் தலைவர் பிரியங்கா கனூங்கோ, மாணவி ஸ்ரீமதியின் மரணம் தொடர்பாக வரும் 27-ஆம் தேதி கள்ளக்குறிச்சியில் நேரில் விசாரணை செய்ய உள்ளார்.

அப்போது மாவட்ட ஆட்சியர், மாவட்ட காவல்துறை கண்காணிப்பாளர் ஆகியோரிடமும் விசாரணை நடத்துகிறார். அவர்களுடன் தமிழ்நாடு மாநில குழந்தைகள் பாதுகாப்பு ஆணையமும் செல்கிறது.

இதையும் படிங்க:அதிமுக தலைமை அலுவலகத்திற்கு சீல் வைத்த வழக்கு - இன்று தீர்ப்பு!