சென்னையில் 5.16 % பேருக்கு மட்டுமே செலுத்தப்பட்ட கரோனா தடுப்பூசி

சென்னை: சென்னை மாநகராட்சிக்குட்பட்ட பகுதிகளில் 18 வயது முதல் 45 வயதுக்குள்பட்டோருக்கான முன்னுரிமை அடிப்படையில் 5.16 விழுக்காடு மட்டுமே தடுப்பூசி செலுத்தப்பட்டிருப்பதாக மாநகராட்சி தெரிவித்துள்ளது.

சென்னை மாநகராட்சியில் உள்ள 15 மண்டலங்களில் 18 வயது முதல் 44 வயதை சேர்ந்தவர்கள் மொத்தம் 35 லட்சத்து 16 ஆயிரத்து 474 பேர் உள்ளனர். அதில் முன்னுரிமை அடிப்படையில் தடுப்பூசி செலுத்தப்பட்டு வருகிறது.

கடந்த 5 ஆம் தேதி நிலவரப்படி, 1 லட்சத்து 86 ஆயிரத்து 553 பேருக்கு தடுப்பூசி செலுத்தப்பட்டு இருப்பதாக சென்னை மாநகராட்சி தெரிவித்துள்ளது. இதன் அடிப்படையில் மொத்த எண்ணிக்கையில் 5.16 % பேருக்கு மட்டுமே தடுப்பூசி செலுத்தப்பட்டுள்ளது.

அதிகபட்சமாக தேனாம்பேட்டை மண்டலத்தில் 21,585 நபர்களுக்கும், குறைந்தபட்சமாக மணலி மண்டலத்தில் 7,267 நபர்களுக்கும் தடுப்பூசி செலுத்தப்பட்டுள்ளது. தட்டுப்பாடு காரணமாகவே குறைந்தளவு தடுப்பூசி செலுத்தப்பட்டு வருவதாக மாநகராட்சி தரப்பில் தெரிவிக்கப்பட்டுள்ளது.

சென்னையில் 5.16 % பேருக்கு மட்டுமே செலுத்தப்பட்ட கரோனா தடுப்பூசி

இதேபோல் 15 மண்டலங்களில் 45 வயதுக்கு மேல் 20,45,447 நபர்கள் உள்ளனர். 5 ஆம் தேதி நிலவரப்படி 13,26,080 பேருக்கு முதல் டோஸ் தடுப்பூசியும், 5,84,021 பேருககும் இரண்டாம் டோஸ் தடுப்பூசியும் செலுத்தப்பபட்டுள்ளதாக தெரிவிக்கப்பட்டுள்ளது.