சென்னை: குஜராத் முந்த்ரா துறைமுகத்தில் கப்பல் வழியாக கடத்த முயன்ற 3000 கிலோ ஹெராயினை கடந்த 18ஆம் தேதி மத்திய போதை பொருள் நுண்ணறிவு பிரிவு அலுவலர்கள் பறிமுதல் செய்தனர். 21 ஆயிரம் கோடி ரூபாய் மதிப்பிலான இந்த போதை பொருளை ஆப்கானிலிருந்து ஈரானுக்கு கடத்த முயன்றது கண்டுபிடிக்கப்பட்டது.
விசாரணை
இதனையடுத்து நிறுவனத்தின் ஜி.எஸ்.டி பெயரை வைத்து மச்சாவரம் சுதாகர், துர்கா, ராஜ்குமார் ஆகியோரை மத்திய போதை பொருள் நுண்ணறிவு பிரிவு அலுவலர்கள் சென்னையில் வைத்து கைது செய்தனர். மேலும் இவர்களை 10 நாள்கள் காவலில் எடுத்து விசாரணை நடத்தியபோது பல நாடுகளை சேர்ந்த நபர்களுக்கு தொடர்பிருப்பதாக தெரியவந்தது.
இது தொடர்பாக சென்னை, நொய்டா, கோயம்புத்தூர், டெல்லி, அகமதாபாத், மந்த்வி, காந்திதம், விஜயவாடா உள்ளிட்ட இடங்களில் சோதனை நடத்தப்பட்டது.