அரசு மருத்துவர்கள் நாளை முதல் போராட்டம்!

சென்னை: வேலை உயர்வு உள்ளிட்ட கோரிக்கைகளை வலியுறுத்தி அரசு மருத்துவர்கள் நாளைமுதல் போராட்டத்தில் ஈடுபடவுள்ளதாக தெரிவித்துள்ளனர்.

சென்னை மருத்துவக் கல்லூரி வளாகத்தில் தமிழ்நாடு அரசு மருத்துவர்கள் சங்கத்தின் சார்பில் பொதுக்குழு கூட்டமும் ,தர்ணா போராட்டமும் நடைபெற்றது. அதன் பின்னர் தமிழ்நாடு அரசு மருத்துவர்கள் சங்கத்தின் மாநில செயலாளர் ரவிசங்கர் செய்தியாளர்களைச் சந்தித்தார்.

“தமிழ்நாடு அரசு மருத்துவர்கள் சங்கத்தின் சார்பாக எங்களின் காலம் சார்ந்த பதவி உயர்வு மற்றும் சம்பளத்திற்காக கடந்த ஒன்றரை வருடமாக போராடி வருகிறோம். எங்களின் கோரிக்கை குறித்து அரசுக்கு தெரிவித்துவிட்டு கடந்த ஒரு மாதமாக மண்டல வாரியாக தர்ணா போராட்டமும் நடத்தி வருகிறோம்.

மத்திய அரசு மருத்துவர்களுக்கு 4,9,13 வருடங்களில் பதவி உயர்வு கிடைக்கிறது. மத்திய அரசு மருத்துவர்களை விட தமிழ்நாடு அரசு மருத்துவர்கள் சிறப்பாக பணிபுரிந்தும் எந்தவித பதவி உயர்வும் கிடைக்கவில்லை. அதனால் நோயாளிகளை பாதிக்காத வண்ணம் நாளை போராட்டம் நடத்தவுள்ளோம் என தெரிவித்தார்.

மேலும், எங்களின் கோரிக்கைகள் நிறைவேற்றப்படாவிட்டால் வரும் 30,31ஆம் தேதிகளிலும் வேலை நிறுத்தப் போராட்டம் நடைபெறும். என்று கூறினார்.