நாடு முழுவதும் மூடப்பட்டுள்ள திரையரங்கங்களை 50% இருக்கைகளுடன் வரும் 15ஆம் தேதிமுதல் திறக்க அனுமதி அளித்துள்ள மத்திய அரசு, அதற்கான வழிகாட்டு நெறிமுறைகளையும் இன்று அறிவித்துள்ளது.
இந்நிலையில், கலைவாணர் அரங்கில் எழுதுபொருள் அச்சுத் துறை தொடர்பான ஆலோசனைக் கூட்டத்தில் பங்கேற்றபின் செய்தியாளர்களைச் சந்தித்த செய்தி மற்றும் விளம்பரத் துறை அமைச்சர் கடம்பூர் ராஜு, ”திரையரங்கில் 3 மணி நேரம் ஒரே இடத்தில் கூட்டமாக இருக்க வேண்டிய நிலை உள்ளது.
கரோனா பாதிப்பு இப்போதுதான் கட்டுக்குள் வரத் தொடங்கியிருக்கிறது. எனவே, இதை எல்லாம் கருத்தில்கொண்டு சுகாதாரக் குழுவுடன் ஆலோசித்து திரையரங்குகள் திறப்பது குறித்து நல்ல முடிவு அறிவிக்கப்படும்“ என்று கூறினார்.