தமிழ்நாட்டில் மே.10 முதல் முழு ஊரடங்கு

08:35 May 08

தமிழ்நாட்டில் வருகிற 10.ஆம் தேதி முதல் 24.ஆம் தேதி வரை முழு ஊரடங்கு அமல்படுத்தப்பட்டுள்ள நிலையில், இன்றும் நாளையும் அனைத்து கடைகளும் இரவு 9 மணி வரை திறக்க அரசு அனுமதி வழங்கியுள்ளது.

தமிழ்நாட்டில் அதிகரித்து வரும் கரோனா பரவலை கட்டுப்படுத்த 2 வாரங்களுக்கு கூடுதல் கட்டுப்பாடுகள் விதிக்கப்பட்டுள்ளது.

அனுமதி

• முழு ஊரடங்கில் அனைத்து உணவகங்களிலும் பார்சல் சேவைக்கு மட்டுமே அனுமதி
• மளிகை, காய்கறி இறைச்சிக் கடைகள் நண்பகல் 12 மணி வரை திறந்திருக்க அனுமதி
• இன்று (சனி), நாளை(ஞாயிறு) அனைத்து கடைகள், நிறுவனங்கள் இரவு 9 மணி வரை இயங்க அனுமதி
• அத்தியாவசியப் பணிக்கு செல்வோர் உரிய ஆவணங்களுடன் பயணிக்க அனுமதி
• இறப்பு சார்ந்த நிகழ்வுகள் இறுதி ஊர்வலங்களில் 20 பேருக்கு மட்டுமே அனுமதி
• அம்மா உணவகங்கள் தொடர்ந்து செயல்படும்

தடை

• முழு ஊரடங்கு காலத்தில் அழகு நிலையங்கள், முடி திருத்தும் கடைகள் செயல்படத் தடை
• முழு ஊரடங்கு காலத்தில் டாஸ்மாக் கடைகள் இயங்காது
• மாவட்டங்களுக்குள் மற்றும் மாவட்டங்களுக்கு இடையிலான தனியார், அரசுப் பேருந்து போக்குவரத்துக்கு தடை
• வாடகை டாக்சி, ஆட்டோக்கள் ஆகியவை இயங்கவும் தடை
• சுற்றுலாத் தலங்களுக்கு தடை
• விளையாட்டு, பொழுதுபோக்கு நிகழ்ச்சிகளுக்குத் தடை
• தங்கும் விடுதிகள்,திரையரங்குகள், கேளிக்கை கூடங்கள், உடற்பயிற்சி, யோகா நிலையங்கள் செயல்பட அனுமதி இல்லை