பொறியியல் சேர்க்கை: முதல் நாளிலேயே 18ஆயிரம் பேர் பதிவு

பொறியியல் படிப்பில் சேர்வதற்கு முதல் நாளான இன்று(ஜூன் 20) 18,763 மாணவர்கள் பதிவு செய்துள்ளனர் என பொறியியல் மாணவர் சேர்க்கை குழுச் செயலாளர் தெரிவித்துள்ளார்.

சென்னை: தமிழ்நாட்டில் மாநிலப்பாடத்திட்டத்தில் 12ஆம் பொதுத்தேர்வு முடிவுகள் இன்று வெளியிடப்பட்டன. இதையடுத்து ஏற்கெனவே அறிவித்தபடி பி.இ, பி.டெக் படிப்பில் சேர்வதற்கான விண்ணப்பப் பதிவு https://www.tneaonline.org/ என்ற இணையதள முகவரியில் தொடங்கியது. மாணவர்கள் சொந்தமாகவும் , தாங்கள் படிக்கும் பள்ளிகள் மூலமாகவும் விண்ணப்பித்தனர்.

மேலும் பொறியியல் மாணவர்கள் சேர்க்கைக்கு 110 சேவை மையங்கள் அமைக்கப்பட்டுள்ளன. இந்த நிலையில், பொறியியல் படிப்பில் சேர்வதற்கு முதல் நாளான இன்று(ஜூன் 20) 18,763 மாணவர்கள் பதிவு செய்துள்ளனர்.

அவர்களில் 4,199 மாணவர்கள் கட்டணங்களை செலுத்தி உள்ளதுடன், 790 மாணவர்கள் தங்களின் சான்றிதழ்களையும் பதிவேற்றம் செய்துள்ளனர் என பொறியியல் மாணவர் சேர்க்கை குழு அறிவித்துள்ளது.

இதையும் படிங்க:தன்னம்பிக்கையால் 2 கைகளும் இல்லாத மாற்றுத்திறனாளி மாணவி +2 தேர்வில் தேர்ச்சி