சென்னை கொத்தவால்சாவடி டேவிட்சன் சாலையில் மிகவும் பழைமைவாய்ந்த திரையரங்கம் மினர்வா. தற்போது பாட்ஷா எனப் பெயர் மாற்றம்செய்யப்பட்டு இயங்கிவருகிறது. கரோனா காரணமாக மூடப்பட்டிருந்த திரையரங்கம் தற்போது திறக்கப்பட்டு இயங்கிவருகிறது.
இந்த நிலையில் கடந்த சில நாள்களாகப் பெய்துவரும் கனமழையினால் இந்தத் திரையரங்கத்தின் பக்கவாட்டு சுவர் திடீரென்று நேற்று (டிச. 07) இரவு இடிந்து விழுந்துள்ளது. இடிந்த சுவரானது அருகில் நிற்கவைத்திருந்த காவலர்களின் இருசக்கர வாகனத்தின் மீது விழுந்தது. இதில் மூன்று இருசக்கர வாகனங்கள் முழுவதுமாகச் சேதமடைந்துள்ளன.