தமிழ்நாட்டில் இன்று 4,506 பேருக்கு கரோனா பாதிப்பு!

தமிழ்நாட்டில் கரோனா வைரஸ் தொற்றால் புதிதாக பாதிக்கப்படுபவர்கள் எண்ணிக்கை 80 நாட்களுக்கும் பின்னர் 4 ஆயிரத்து 506 ஆக குறைந்துள்ளது. இதேபோன்று சிகிச்சை பெறுபவர்கள் எண்ணிக்கையும் 38 ஆயிரத்து 191 ஆக குறைந்துள்ளது.

4506 PEOPLE TESTED POSITIVE IN TAMIL NADU TODAY

Published : Jun 30, 2021, 9:13 PM IST

சென்னை: மக்கள் நல்வாழ்வுத்துறை இன்று (ஜூன் 30) வெளியிட்டுள்ள புள்ளி விவரத் தகவலில், தமிழ்நாட்டில் புதிதாக ஒரு லட்சத்து 60 ஆயிரத்து 776 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டது.

இதன்மூலம் தமிழ்நாட்டில் இருந்து 4 ஆயிரத்து 506 நபர்களுக்குப் புதிதாக கரோனா வைரஸ் தொற்று கண்டறியப்பட்டுள்ளது. மாநிலத்தில் இதுவரை 3 கோடியே 19 லட்சத்து 96 ஆயிரத்து 953 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டுள்ளது. இப்பரிசோதனையில், இதுவரை 24 லட்சத்து 79 ஆயிரத்து 696 பேர் தொற்றால் பாதிப்புக்குள்ளானது கண்டறியப்பட்டது.

குணமடைந்தவர்கள்

இவர்களில், தற்போது மருத்துவமனைகள், தனிமைப்படுத்தும் மையங்களில் 38 ஆயிரத்து 191 பேர் சிகிச்சைப் பெற்று வருகின்றனர். சிகிச்சைப் பெற்று குணமடைந்த 5 ஆயிரத்து 537 பேர் வீடு திரும்பியுள்ளனர்.

சிகிச்சைப்பெற்று குணம் அடைந்தவர்களின் எண்ணிக்கை இதுவரை 24 லட்சத்து 8 ஆயிரத்து 886 ஆக உயர்ந்துள்ளது. இன்று(ஜூன் 30) சிகிச்சைப் பலனின்றி தனியார் மருத்துவமனையில் 34 நோயாளிகளும், அரசு மருத்துவமனையில் 79 நோயாளிகளும் என 113 பேர் இறந்துள்ளனர்.

மாநிலத்தில் இதுவரை உயிரிழந்தவர்கள் எண்ணிக்கை 32 ஆயிரத்து 619 ஆக அதிகரித்துள்ளது.

மாவட்ட வாரியாக மொத்த பாதிப்பு