சென்னைவிமான நிலையத்தில் செய்தியாளர்களைச் சந்தித்த தமிழ்நாடு பாஜக தலைவர் அண்ணாமலை ’மத்திய அரசு பெட்ரோல், டீசல் மீதான வரியைக் குறைத்திருக்கிறது, திமுக அளித்த தேர்தல் வாக்குறுதியின்படி 72 மணி நேரத்திற்குள் பெட்ரோல் , டீசல் விலை குறைப்பு மற்றும் சமையல் எரிவாயு சிலிண்டருக்கு 100 ரூபாய் மானியம் குறித்து அறிவிப்பு வெளியிடாவிட்டால், கோட்டையை நோக்கி பாஜக முற்றுகைப் போராட்டம் நடத்தும்’ என எச்சரித்தார்.
அண்ணாமலை செய்தியாளர் சந்திப்பு
’முதலமைச்சர் காலையில் மறைந்த பிரதமர் ராஜிவ் காந்தி படத்துக்கு மரியாதை செலுத்துவதும் , மாலையில் அவரது இறப்புக்கு காரணமானவர்களை விடுவிப்பது குறித்து ஆலோசனை நடத்துவதும் வடிவேல் நடித்த காமெடி காட்சியில் வரும் “ காலையில் பேசியது வேற வாய், இப்போ பேசுவது வேற வாய்” என்பது போல் இருக்கிறது’ என விமர்சனம் செய்தார்.