கருணாநிதி பிறந்தநாள்: முதலமைச்சரின் 7 திட்டங்கள்.. லிஸ்ட் இதோ..

சென்னை: கரோனா நிவாரண நிதியின் இரண்டாவது தவணையாக 2,000 ரூபாய் வழங்கும் திட்டம் உள்ளிட்ட பல்வேறு திட்டங்களை முதலமைச்சர் ஸ்டாலின் இன்று தொடங்கி வைக்கிறார்.

மறைந்த முதலமைச்சர் கருணாநிதியின் பிறந்தநாளை முன்னிட்டு முதலமைச்சர் மு க ஸ்டாலின் இன்று சென்னை, தலைமைச் செயலகத்தில் பல்வேறு திட்டப் பணிகளைத் தொடங்கி வைக்கிறார். அதன்படி,

• கரோனா நிவாரண நிதியுதவியின் இரண்டாவது தவணை 2,000 ரூபாய் வழங்கும் திட்டம்.
• குடும்ப அட்டைதாரர்களுக்கு 14 மளிகைப் பொருள்களை இலவசமாக வழங்கும் திட்டம்.
• தமிழ்நாடு அரசு அறநிலையத் துறையின் கீழ் 12,959 கோயில்களில் மாதச் சம்பளமின்றி பணிபுரியும் 14 ஆயிரத்திற்கு மேற்பட்ட அர்ச்சகர்கள், பூசாரிகள், பணியாளர்களுக்கு கரோனா நிவாரண உதவியாக 4,000 ரூபாய், 10 கிலோ அரிசி, 13 வகை மளிகைப் பொருள்கள் வழங்கும் திட்டம்.
• கரோனாவால் உயிரிழந்த பத்திரிகையாளர்கள் குடும்பத்தினருக்கு 10 லட்சம் ரூபாய் நிதி உதவி வழங்கும் திட்டம்.
• கரோனாவால் உயிரிழந்த மருத்துவர், மருத்துவப் பணியாளர், காவலர், நீதிபதிகள் ஆகியோரின் குடும்பத்தினருக்கு 25 லட்சம் ரூபாய் நிதி உதவி.
• திருநங்கையர் கட்டணமில்லாமல் பேருந்தில் பயணிக்க அனுமதி, திருநங்கையருக்கு 2 ஆயிரம் ரூபாய் நிதியுதவி வழங்கும் திட்டம்.
• மேலும், ’உங்கள் தொகுதியில் முதலமைச்சர்’ திட்டப் பயனாளிகள் 10 பேருக்கு நலத்திட்ட உதவிகளை வழங்க உள்ளார்