சென்னை திருவல்லிக்கேணி முக்தருனிசா பேகம் தெருவை சேர்ந்தவர் சாகுல் ஹமீது (41). இவர் திருவல்லிக்கேணியில் ஏ.எம்.எஸ் லாட்ஜ் நடத்தி வருகிறார். நேற்று அதிகாலை சாகுல் ஹமீது லாட்ஜிலிருந்து தனது வீட்டிற்கு இருசக்கர வாகனத்தில் சென்றார்.
ஓ.வி.எம். தெரு மசூதி தெரு சந்திப்பில் சென்று கொண்டிருந்த போது திடீரென முகத்தில் மாஸ்க் அணிந்த அடையாளம் தெரியாத நபர் ஒருவர் இருசக்கர எட்டி உதைத்து சாகுல் ஹமீதை கீழே தள்ளி உள்ளார். பின்னர் கையில் வைத்திருந்த கத்தியால் சாகுல் ஹமீதை வெட்டிவிட்டு அவரிடமிருந்த 1 லட்சம் பணம், 69 கிராம் தங்க கட்டி, செல்போன் ஆகியவற்றை பறித்துக்கொண்டு சாகுல் ஹமீது கொண்டு வந்த இருசக்கர வாகனத்தையே திருடி தப்பி சென்றார்.