சென்னை தலைமைச் செயலகத்தில் கரோனாவுக்கு எதிரான, 33 மக்கள் இயக்க விழிப்புணர்வு விளம்பர வாகனங்களை முதலமைச்சர் எடப்பாடி பழனிசாமி கொடியசைத்து இன்று துவக்கி வைத்தார். இந்த வாகனத்தில் நோய்த் தொற்றில் இருந்து மக்கள் தங்களை தற்காத்துக் கொள்ள, புகைப்படங்களுடன் கூடிய விளக்கங்கள் ஒளிபரப்பப்படும்.
தொடர்ந்து, கரோனா தொடர்பான விழிப்புணர்வு குறும்படங்கள் மற்றும் பாடல்கள் அடங்கிய குறுந்தகட்டினை முதலமைச்சர் வெளியிட்டார். இதனை மக்கள் நல்வாழ்வுத்துறை அமைச்சர் விஜயபாஸ்கர், செய்தி, விளம்பரத்துறை அமைச்சர் கடம்பூர் ராஜு ஆகியோர் பெற்றுக்கொண்டனர். அதேபோல் திரைக்கலைஞர்கள் மூலம் உருவாக்கப்பட்டுள்ள கரோனா விழிப்புணர்வு பாடல்களை ஒளிபரப்பு செய்யும் எல்.இ.டி விளம்பர வாகனத்தையும், கரோனா தொற்று தொடர்பான விழிப்புணர்வு கையெடுகளையும் முதலமைச்சர் பார்வையிட்டார்.
கரோனா விழிப்புணர்வு வாகனங்கள் - முதலமைச்சர் துவக்கிவைப்பு!