சென்னை: ஜூலை 28ஆம் தேதி சென்னையில் நடைபெறும் செஸ் ஒலிம்பியாட் போட்டியில் பிரக்ஞானந்தா பங்கேற்கவுள்ளார். இந்நிலையில் பிரக்ஞானந்தா தனது குடும்பத்தினருடன் நடிகர் ரஜினியை சந்தித்து வாழ்த்து பெற்றார். பிரக்ஞானந்தாவை வாழ்த்திய ரஜினிகாந்த் அவருக்கு அன்பளிப்பாக செஸ் போர்டும் ராகவேந்திரா புகைப்படமும் வழங்கினார்.
பிரக்ஞானந்தா தனது ட்விட்டர் பக்கத்தில் நடிகர் ரஜினிகாந்த்துடன் எடுத்த புகைப்படங்களை பகிர்ந்து, ”மறக்க முடியாத நாள், இன்று ரஜினி அங்கிளை எனது குடும்பத்தினருடன் சென்று சந்தித்தேன். இவ்வளவு உயரங்கள் சென்றும் அவர் மிகவும் எளிமையாக இருப்பது என்னை ஈர்த்தது. மகிழ்ச்சி” என்று பதிவிட்டுள்ளார்.