Pride Parade 2022: சென்னையில் களைகட்டிய LGBTQ சுயமரியாதை பேரணி....

சென்னை எழும்பூரில் Pride வாரத்தினை முன்னிட்டு LGBTQ மற்றும் மக்களால் ஒருங்கிணைக்கப்பட்ட வானவில் சுயமரியாதை பேரணி நடைபெற்றது.

சென்னை:உலகம் முழுவதும் ஜூன் மாதமானது LGBTQ மக்களுக்கான சிறப்பு வாரமாக கொண்டாடப்படுகிறது. அதனை முன்னிட்டு நேற்று(ஜூன்26) சென்னை எழும்பூரில் சுயமரியாதை பேரணி நடைபெற்றது. இதனை நாடாளுமன்ற உறுப்பினர் தமிழச்சி தங்கபாண்டியன் தொடங்கி வைத்தார்.

LGBTQ சமூக அடையாளங்களை உறுதி செய்யும் வகையில் இயற்றப்பட்டுள்ள சட்டங்கள், கொள்கைகள் மற்றும் பிற செயல்களை கொண்டாடும் விதமாக பேரணி நடைபெற்றது. பேரணியில் கலந்துகொண்ட சின்னத்திரை தொகுப்பாளர் கல்யாணி கூறுகையில், " இங்கே ஒரு சிறப்பான நிகழ்வு நடந்து கொண்டிருக்கிறது. LGBTQ-ல் இருந்து நிறை அளவில் கலந்து கொண்டுள்ளனர்.

அதிகளவில் ஆதரவு வந்தால் தான் இந்த சமூகம் பற்றி மக்களுக்கு தெரியும். இன்றைக்கு தமிழ்நாட்டில் காவல்துறை அதிகாரிகளின் பாதுகாப்பில் பேரணி நடைபெறுகிறது. அரசு இன்னும் ஆதரவு கொடுத்தால் நாம் வாழும் அளவிற்கு இவர்களும் வாழ முடியும்.

இப்போதே அரசு தரப்பில் பல நலத்திட்ட உதவிகளை செய்து கொண்டிருக்கின்றனர். இன்னும் அரசு பல நலத்திட்ட உதவிகளை செய்ய வேண்டும் என எதிர்பார்க்கிறோம். அப்போது தான் இயல்பான வாழ்க்கை மற்றும் வேலைவாய்ப்பு இவர்களுக்கு கிடைக்கும் என தெரிவித்தார். இதனை தொடர்ந்து பேரணியின் போது ஆட்டம் பாட்டம் உள்ளிட்ட நிகழ்வு நடைபெற்றது.

சமூகத்தில் வாழ்வதற்கு அனைவருக்கும் சம உரிமை வழங்கப்பட்டுள்ளது. இந்த உரிமையை கொண்டாடும் விதத்தில் இந்த LGBTQ சுயமரியாதை பேரணி இருந்தது. மேலும் LGBTQ சமூகம் சார்ந்த மக்களும், அவர்களின் நண்பர்களும் இந்த நிகழ்வில் கலந்து கொண்டனர்.

இதையும் படிங்க:கைகொடுத்த ஃபேஸ்புக்: 1 ஆண்டுக்குப் பின் பெற்றோருடன் இணைந்த மகன்!