'கோயில்களில் இடைத்தரகர்களுக்கு இடமில்லை' - சென்னை உயர் நீதிமன்றம்

கோயில்களில் பக்தர்களுக்கும், தெய்வத்துக்கும் இடையில் இடைத்தரகர்களுக்கு இடமில்லை என சென்னை உயர் நீதிமன்றம் தெரிவித்துள்ளது.

சென்னை:திருச்சி ஸ்ரீரங்கம் ரங்கநாதர் கோயிலில் இரண்டாம் பிரகாரத்தில் பக்தர்கள் பிரதட்சணம் (வலம் வர) ஏற்பாடு செய்யக் கோரி ரங்கராஜன் நரசிம்மன் வழக்கு தொடர்ந்திருந்தார்.

இந்த வழக்கு நீதிபதிகள் மகாதேவன், ஆதிகேசவலு அமர்வில் மீண்டும் விசாரணைக்கு வந்தது. அப்போது, கோயிலுக்கு வரும் பக்தர்களை பேருந்து நிலையத்தில் வைத்து தரிசனத்துக்கு ஏற்பாடு செய்து தருவதாக கூறி, 500 ரூபாய் வரை இடைத்தரகர்களால் வசூலிக்கப்படுவதாக மனுதாரர் குற்றம்சாட்டினார்.

இதைக் கேட்ட நீதிபதிகள், கடவுளுக்கும், பக்தர்களுக்கும் இடையில் இடைத்தரகர்களுக்கு இடமில்லை எனவும், இதை அனுமதிக்க முடியாது எனவும் தெரிவித்தனர்.

ஆண்டவன் முன் அனைவரும் சமம் எனத் தெரிவித்த நீதிபதிகள், இதுதொடர்பாக மனுவாக தாக்கல் செய்யும்படி, மனுதாரர் தரப்புக்கு அறிவுறுத்தி, விசாரணையை 2 வாரங்களுக்கு தள்ளிவைத்தனர்.

இந்த விவகாரம் தொடர்பாக அறிக்கை தாக்கல் செய்யும்படி அரசுத்தரப்புக்கு உத்தரவிட்ட நீதிபதிகள், வி ஐ பி தரிசனத்தை முறைப்படுத்துவது குறித்தும் விளக்கமளிக்க உத்தரவிட்டனர்.

இதையும் படிங்க:முதலமைச்சரிடம் நிதியுதவி வழங்கிய 'ஜெய் பீம்' சூர்யா!