அர்ஜுனமூர்த்தியை அனைத்து பொறுப்புகளிலிருந்தும் நீக்குவதாக பாஜக அறிவிப்பு !

சென்னை : நடிகர் ரஜினிகாந்த்தின் கட்சியில் இணைந்த அர்ஜுனமூர்த்தியை பாஜகவின் அடிப்படை உறுப்பினர் உட்பட அனைத்துப் பொறுப்புகளிலிருந்தும் நீக்குவதாக அக்கட்சியின் மாநிலப் பொதுச்செயலாளர் கரு.நாகராஜன் அறிவித்துள்ளார்.

நடிகர் ரஜினிகாந்த் தொடங்கவுள்ள அரசியல் கட்சியின் தலைமை ஒருங்கிணைப்பாளராக கொங்கு மண்டலத்தைச் சேர்ந்த அர்ஜுனமூர்த்தி நியமனம் செய்யப்பட்டுள்ளார். பாஜகவின் அறிவுசார் பிரிவுத் தலைவராக பொறுப்பு வகித்துவந்த அவர் அக்கட்சியின் அனைத்துப் பொறுப்புகளிலிருந்தும் ராஜினாமா செய்வதாக அண்மையில் கடிதம் ஒன்றை அளித்திருந்ததாகக் கூறப்படுகிறது.

நடிகர் ரஜினிகாந்த் தொடங்கவுள்ள அரசியல் கட்சியின் தலைமை ஒருங்கிணைப்பாளராக நியமனம் செய்யப்பட்ட அர்ஜுனமூர்த்தி

இந்நிலையில், இன்று அர்ஜுனமூர்த்தியை அடிப்படை உறுப்பினர் உட்பட அனைத்துப் பொறுப்புகளிலிருந்தும் நீக்குவதாக பாஜகவின் மாநிலப் பொதுச்செயலாளரும், தலைமை அலுவலகப் பொறுப்பாளருமான கரு.நாகராஜன் அதிகாரப்பூர்வமாக அறிவித்துள்ளார்.

அர்ஜுனமூர்த்தியை அனைத்துப் பொறுப்புகளிலிருந்தும் நீக்குவதாக அறிவித்த பாஜக !

பாஜக தொடங்கிய வேல் யாத்திரையின் மாஸ்டர் மைண்டாகக் கருதப்படும் அர்ஜுனமூர்த்திதான் நடிகர் ரஜினிகாந்த் தொடங்கவுள்ள அரசியல் கட்சிக்கும் அமைப்பு ரீதியிலான வடிவம் கொடுக்கும் பணியை மேற்கொள்ளவிருப்பதாக தகவல்கள் வெளியாகியுள்ளன. தேர்தல் கூட்டணி தொடர்பான முடிவுகளில் தலைமை ஒருங்கிணைப்பாளரான அர்ஜுனமூர்த்தியின் ஆலோசனை முக்கிய பங்கு வகிக்கலாம் என எதிர்ப்பார்க்கப்படுகிறது.

நடிகர் ரஜினிகாந்த்தின் கட்சியில் இணைந்த அர்ஜுனமூர்த்தி

இது தொடர்பாக தன்னுடைய டிவிட்டர் பக்கத்தில் கருத்திட்டுள்ள அர்ஜுனமூர்த்தி, பாஜக என்பதை நீக்கிவிட்டு, தற்போது "தலைவருடன்'' இருக்கிறேன் என்று குறிப்பிட்டுள்ளார்.

மறைந்த திமுக மூத்த தலைவர் முரசொலிமாறனின் அரசியல் ஆலோசகராக தனது அரசியல் வாழ்வைத் தொடங்கிய அர்ஜுனமூர்த்தி, அவரது மறைவுக்குப் பின்னர், திமுகவிலிருந்து விலகி ஆர்.எஸ்.எஸ் சித்தாந்தத்தின் மீதான பற்றின் காரணமாக பாஜகவில் தன்னை இணைத்துகொண்டதாக அறியமுடிகிறது.

இதையும் படிங்க :ஒன்றா ரெண்டா வருஷங்கள் எல்லாம் சொல்லவே... ரஜினியின் அரசியல் பாதை