சென்னை:வில்லிவாக்கம், வள்ளியம்மை நகர், முதல் தெருவைச் சேர்ந்தவர் சந்தோஷ் குமார். இவரது மகன் அப்பு என்ற சந்துரு (16). இவர் பத்தாம் வகுப்புவரை படித்து முடித்துள்ளார். இதற்கிடையில் இவருக்கும், அதே பகுதியில் வசிக்கும் இளைஞருக்கும் இடையே முன்விரோதம் இருந்ததால், தனது உயிருக்கு ஆபத்து ஏற்படும் எனக் கருதி திருவேற்காடு, ஐயப்பன் நகரில் உள்ள தனது சகோதரி வீட்டில் வசித்துவந்துள்ளார்.
இந்நிலையில், கடந்த 13ஆம் தேதி சந்துரு இருசக்கர வாகனத்தில் (மொபட்) தனது சகோதரியின் மூன்று வயது குழந்தையை அழைத்துக்கொண்டு அயப்பாக்கத்தில் உள்ள உறவினர் வீட்டுக்குச் சென்றுகொண்டிருந்தார்.
அப்போது, திருவேற்காடு-அயப்பாக்கம் சாலையில் இருசக்கர வாகனத்தில் வந்த இரு இளைஞர்கள் சந்துருவை வழிமறித்து சரமாரியாக வெட்டினர். மேலும், மூன்று வயது குழந்தைக்கும் லேசான காயம் ஏற்பட்டது.