வெளிநாடுகளில் சிக்கி தவித்த 518 இந்தியர்கள் தாயகம் திரும்பினர்!

சென்னை: ஃபிரான்ஸ், ஆஸ்திரேலியா, நைஜிரீயா, சவுதி அரேபியா உள்ளிட்ட நாடுகளில் சிக்கித்தவித்த இந்தியா்களில் 518 போ் சிறப்பு விமானங்கள் மூலம் தாயகம் திரும்பினார்கள்.

கரோனா வைரஸ் காரணமாக ஃபிரான்ஸில் சிக்கித் தவித்த 78 ஆண்கள், 49 பெண்கள் மற்றும் சிறுவர்கள் 11 பேர் ஏர் இந்தியா சிறப்பு விமானம் மூலமாக டெல்லி வந்தனர்.

அங்கிருந்து அவர்கள், சென்னை வந்தடைந்தனர். அவா்களுக்கு மருத்துவம், குடியுரிமை, சுங்கச் சோதனைகள் நடந்தன.

இதையடுத்து அவா்கள் அனைவரையும் 14 நாள்கள் தனிமைப்படுத்த நடவடிக்கைகள் எடுக்கப்பட்டன.

இதேபோல், ஆஸ்திரேலியா, நைஜிரியா சவுதி அரேபியாவில் சிக்கித் தவித்த இந்தியர்கள் என மொத்தம் 518 பேர் தாயகம் திரும்பினார்கள்.

இவர்கள் அனைவரும் 14 நாள்கள் தனிமைப்படுத்தப்பட உள்ளனர்.

இதையும் படிங்க:மத்திய அரசு விருது வென்ற விருதுநகர் ஆரம்ப சுகாதார நிலையம்!