Cylinder Blast: சென்னை சிலிண்டர் வெடித்து விபத்து: 5 பேர் படுகாயம்

சென்னையில் உள்ள அடுக்குமாடி குடியிருப்பில் சிலிண்டர் வெடித்த விபத்தில் 5 பேர் படுகாயங்களுடன் மருத்துவமனையில் அனுமதிக்கப்பட்டுள்ளனர்.

சென்னை:கீழ்ப்பாக்கத்தில் உள்ள அடுக்குமாடி குடியிருப்பின் 7ஆவது மாடியில் இன்று சிலிண்டர் வெடித்து விபத்து ஏற்பட்டுள்ளது. இதுகுறித்து அக்கம்பக்கத்தினர் தீயணைப்புத்துறையினருக்கு தகவல்கொடுத்தனர்.

அதனடிப்படையில், அங்கு விரைந்த தீயணைப்புதுறையினர் படுகாயங்களுடன் 5 பேரை மீட்டு அரசு மருத்துவமனைக்கு அனுப்பி வைத்தனர். அங்கு அவர்களுக்கு தீவிர சிகிச்சை அளிக்கப்பட்டுவருகிறது.

முதல்கட்ட தகவலில், வெல்டிங் பணியின் போது ஏற்பட்ட தீப்பொறியால் சிலிண்டர் வெடித்துள்ளது தெரியவந்துள்ளது. மேலும் தீயணைப்புத் துறையினர் எவ்வித பாதிப்பும் இன்றி தீ அணைத்தது குறிப்பிடத்தக்கது.

இதையும் படிங்க:Cylinder Blast: சிலிண்டர் வெடித்து விபத்து: பலி எண்ணிக்கை 4 ஆக உயர்வு