4 ட்ரோன்கள், 807 கிராம் தங்கம்... துபாயிலிருந்து சென்னை வந்த 4 பயணிகள் கைது!

சென்னை: அடுத்தடுத்து இரண்டு துபாய் விமானங்களில் நடத்திய சோதனையில் 4 ட்ரோன்கள், 807 கிராம் தங்கத்தைக் கடத்தி வந்த 4 பயணிகளை சுங்கத்துறையினர் கைது செய்தனர்.

துபாயிலிருந்து இன்று (டிசம்பர் 29) அதிகாலை சென்னை வந்த சிறப்பு விமானத்தில் பயணித்தவர்களை சுங்கத் துறையினா் சோதனையிட்டனா். அதில், சென்னையைச் சோ்ந்த கருப்பசாமி (65), சசிகுமாா்(31) ஆகிய இருவா் மீதும் சந்தேகம் ஏற்பட்டது.

சோதனை

இருவரையும் சோதனை செய்ததில் அவர்களுடைய சூட்கேஸ்களில் 4 ட்ரோன்கள், அதற்கு உபயோகிக்கும் பேட்டரிகள், உதிரிப்பாகங்கள் மறைத்து வைக்கப்பட்டிருந்தன. உரிய அனுமதியின்றி வெளிநாடுகளிலிருந்து இந்தியாவிற்கு ட்ரோன்களை எடுத்துவருவது குற்றம். அதனடிப்படையில் கருப்பசாமி, சதிகுமார் இருவரிடமிருந்த ரூ. 6.17 லட்சம் மதிப்புடைய 4 ட்ரோன்கள், பேட்டரிகளை சுங்கத்துறையினர் பறிமுதல் செய்தனா். இருவரையும் கைது செய்த சுங்கத்துறை அலுவலர்கள், விசாரணை நடத்தி வருகின்றனர்.

ட்ரோன்கள்

மற்றொரு துபாய் விமானம்

துபாயிலிருந்து சென்னை வந்த மற்றொரு சிறப்பு விமானத்தில் வந்த பயணிகளை சோதனையிட்டபோது ராமநாதபுரம், மன்னார்குடியைச் சோ்ந்த 2 பயணிகள் உள்ளாடைகளில் 807 கிராம் தங்கத்தை மறைத்து வைத்திருந்தது தெரிந்தது. அவர்களை கைது செய்த சுங்கத்துறையினர், அவர்களிடமிருந்த ரூ. 41.63 லட்சம் மதிப்பிலான தங்கத்தை பறிமுதல் செய்தனர்.

தங்கம்

இதையும் படிங்க:சிபிஐ வசமிருந்த 103 கிலோ தங்கம் மாயம்: சுரானா நிர்வாக இயக்குநர் சிபிசிஐடி அலுவலகத்தில் ஆஜர்