டெல்லி:இந்தியாவின் அனல் மின் உற்பத்தி 16.28 விழுக்காடு வளர்ச்சியைப் பதிவு செய்துள்ளது. இந்தாண்டு நவம்பரில் 87,687 மில்லியன் யூனிட்டாக பதிவாகியுள்ளது. இந்த அளவு கடந்தாண்டு நவம்பரில் 75,412 மில்லியன் யூனிட்டாக இருந்தது என்று மத்திய அரசு தெரிவித்துள்ளது. இதுகுறித்து மத்திய அரசு வெளியிட்டுள்ள புள்ளிவிவரங்களின்படி, இந்தியாவின் ஒட்டுமொத்த மின் உற்பத்தியும் இந்தாண்டு நவம்பர் மாதத்தில் 14.63 விழுக்காடு அதிகரித்து 1,18,029 மில்லியன் யூனிட்டாக உள்ளது. கடந்தாண்டு நவம்பர் மாதத்தில் 60.20 மெட்ரிக் டன்னாக இருந்த மின்சாரப் பயன்பாட்டுத் துறையின் விநியோகம் 3.55 விழுக்காடு அதிகரித்து 62.34 மில்லியன் டன்னாக உயர்ந்துள்ளது.
மத்திய நிலக்கரி அமைச்சகம் அனல் மின் நிலையங்களுக்கான நிலக்கரி ஒதுக்கீட்டை பற்றாக்குறை காரணமாக குறைந்துள்ளது. இருப்பினும் உயிரி எரிபொருள் உருண்டைகளை உற்பத்தி செய்து வழங்கி வருகிறது. இந்தியா ஆண்டுக்கு 230 மில்லியன் மெட்ரிக் டன் உயிரி எரிபொருள் உருண்டைகளை உற்பத்தி செய்து வருகிறது. மின் உற்பத்தி ஆலைகளில் உயிரி எரிபொருள்களை உபயோகப்படுத்துவதன் மூலம் கார்பன் வெளியீடு குறைவாக உள்ளது. உயிரி எரிபொருள் நிலக்கரிக்கு ஈடான சக்தியை வெளியிடும்.