சென்னை: சர்வதேச சந்தையில் ஏற்பட்ட மாற்றம் காரணமாக கடந்த சில வாரங்களாக தங்கம் மற்றும் வெள்ளி விலை தொடர்ந்து ஏற்றம் கண்டு வந்தது. இதனால் தங்கத்தில் முதலீடு செய்தவர்கள் மகிழ்ச்சியில் இருந்தாலும், சுப நிகழ்ச்சிகளுக்கு தங்கம், வெள்ளி வாங்க நினைத்த நடுத்தர மக்கள் கடும் இன்னலுக்கு ஆளாகினர்.
இந்நிலையில், சர்வதேச சந்தையில் ஏறு முகத்தை சந்தித்து வந்த தங்கம் இன்று காலை வர்த்தகம் தொடங்கிய போது திடீரென குறைந்துள்ளது மக்களுக்கு சற்று மகிழ்ச்சி அளித்துள்ளது. 22 காரட் தங்கம் கிராம் ஒன்றுக்கு 38 ரூபாய் விலை குறைந்து ரூ.5,190-க்கு விற்பனை செய்யப்படுகிறது. சவரன் ரூ.41,520-க்கு விற்பனையாகிறது. நேற்று மாலை சந்தை நிலவரப்படி ரூ.41,824-க்கு விற்பனை செய்யப்பட்ட சவரன் தங்கம் 304 ரூபாய் குறைந்துள்ளது.