தொடர்ந்து ஆறு நாட்களாக சரிவைச் சந்தித்து வரும் பங்குச்சந்தை!

இன்றைய பங்குச் சந்தை முடிவின் போது, மும்பை பங்குச்சந்தை சென்செக்ஸும், தேசிய பங்குச்சந்தை நிஃப்ட்டியும் தொடர்ந்து ஆறாவது நாளாகச் சரிவைச் சந்தித்து வருகிறது.

கடந்த வாரம் முழுவதும் பங்குச் சந்தை சரிவை சந்தித்து வந்த நிலையில், இந்த வாரத் தொடக்கத்தில் பங்குச்சந்தை உயரும் என முதலீட்டார்கள் பெரிதும் எதிர்பார்த்தனர். ஆனால், வாடிக்கையாளர்களுக்கு ஏமாற்றத்தைத் தரும் விதமாக, இன்றைய முடிவின் பொது சென்செக்ஸ் மற்றும் நிஃப்ட்டி சரிவைச் சந்தித்துள்ளது.

மும்பை பங்குச் சந்தையின் குறியீட்டு எண் சென்செக்ஸ் 141 புள்ளிகள் சரிந்து 37,531க்கும், தேசிய பங்குச்சந்தை குறியீட்டு எண் நிஃப்ட்டி 48 புள்ளிகள் குறைந்து 11,126க்கும் வர்த்தகமாகின. மேலும் டாடா மோட்டார்ஸ்(Tata motors), டாடா ஸ்டீல்(Tata Steel), சன் பார்மா(Sun pharma), டெக் மஹிந்திரா(Tech Mahindra), எம்&எம்(M&M), ஓஎன்ஜிசி(ONGC), எல்&டி(L&T) என்டிபிசி(NTPC), இன்டஸ்இன்ட்(IndusInd Bank) போன்ற பங்குகள் கிட்டத்தட்ட 3 விழுக்காடு சரிவைச் சந்தித்துள்ளன.

இதனைத் தொடர்ந்து ஆக்ஸிஸ் வங்கி (Axis bank), பஜாஜ் ஆட்டோ (Bajaj Auto), பாரதி ஏர்டெல்(Bharti Airtel), பஜாஜ் பைனான்ஸ்(Bajaj Finance), ஹீரோ மோட்டோகார்ப் (Hero MotorCorp) பங்குகள் சிறப்பாகச் செயல்பட்டு மூன்று விழுக்காடு உயர்ந்துள்ளது.

மேலும் கடந்த வாரம் முழுவதும் சரிவைச் சந்தித்து வந்த எஸ் வங்கி(Yes Bank) 8 விழுக்காடுகள் உயர்ந்து வாடிக்கையாளர்களுக்கு அதிக லாபத்தைத் தந்துள்ளது.

இதையும் படிங்க: மோட்டார் வாகன நிறுவனங்களின் அதிரடியான விழாக்கால சலுகைகள்!