சென்செக்ஸ் 100 புள்ளிகள் வீழ்ச்சி; நிஃப்டி 14,100 ஆக சரிவு!

இந்திய பங்குச் சந்தைகள் வாரத்தின் இரண்டாம் நாளான இன்று சரிவை கண்டன. சென்செக்ஸ் 100 புள்ளிகள் குறைந்தன. நிஃப்டி 14,100 ஆக சரிந்து வர்த்தகமாகிறது.

மும்பை: இந்திய பங்குச் சந்தைகள் செவ்வாய்கிழமை (ஜன.5) தொடக்க வர்த்தகத்தில் சென்செக்ஸ் 100 புள்ளிகளுக்கு மேல் சரிந்தது. உலகளாவிய பங்குகளில் ஏற்பட்ட பலவீனமான போக்குக்கு மத்தியில் ரிலையன்ஸ் இண்டஸ்ட்ரீஸ், ஐசிஐசிஐ வங்கி மற்றும் கோட்டக் வங்கி உள்ளிட்ட நிறுவனங்கள் இழப்புகளை கண்டன.

மும்பை பங்குச் சந்தையை (பிஎஸ்இ) பொருத்தமட்டில் வர்த்தகத்தின் தொடக்கத்தில் குறியீட்டெண் 112.74 புள்ளிகள் (0.23 சதவீதம்) குறைந்து 48,064.06 ஆகவும், தேசிய பங்கு சந்தை (என்எஸ்இ) நிஃப்டி 38.25 புள்ளிகள் (0.27 சதவீதம்) சரிந்து 14,094.65 ஆகவும் வர்த்தகமானது.

அதிகப்படியாக ஓ.என்.ஜி.சி நிறுவன பங்குகள் 2 சதவீதம் வரை சரிந்தது. அதேபோல் எம் அண்ட் எம், என்டிபிசி, பஜாஜ் ஆட்டோ, கோட்டக் வங்கி, ஐசிஐசிஐ வங்கி மற்றும் ரிலையன்ஸ் இண்டஸ்ட்ரீஸ் ஆகியவை தொடர்ந்து சரிவில் வர்த்தகமாகின்றன.

பங்குச் சந்தைகள் முந்தைய வர்த்தகத்தில், சென்செக்ஸ் 307.82 புள்ளிகள் (0.64 சதவீதம்) அதிகரித்து 48,176.80 புள்ளிகளாகவும், நிஃப்டி 114.40 புள்ளிகள் (0.82 சதவீதம்) உயர்ந்து வர்த்தகமாகின.

ஆசியாவின் பிற சந்தைகளில், ஷாங்காய், டோக்கியோ மற்றும் ஹாங்காங்கில் உள்ள வர்த்தக நிறுவன பங்குகளும் சரிவில் வர்த்தகமாகின. அதே நேரத்தில் சியோல் பங்குச் சந்தைகள் ஏறுமுகத்தில் காணப்படுகிறது.

இதற்கிடையில், உலகளாவிய சந்தையில் கச்சா எண்ணெய் பீப்பாய்க்கு 0.14 சதவீதம் குறைந்து 51.02 அமெரிக்க டாலராக வர்த்தகம் செய்யப்பட்டது.

இதையும் படிங்க: சந்தை நிலவரம்: 2020ஆம் ஆண்டில் 15 விழுக்காடு லாபம் கண்ட பங்குச்சந்தைகள்