மும்பை பங்குச்சந்தை குறியீட்டு எண் சென்செக்ஸ் இன்று (மே.27) 97.70 (0.19 விழுக்காடு) உயர்ந்து 51,115.22 புள்ளிகளில் வர்த்தகத்தை நிறைவுசெய்தது.
அதேபோல், தேசிய பங்குச்சந்தையின் குறியீட்டு எண் நிஃப்டியும் 36.40 (0.24 விழுக்காடு) புள்ளிகள் உயர்ந்து 15,337.85 புள்ளிகளில் வர்த்தகத்தை நிறைவுசெய்தது. இதன் மூலம் நிஃப்டி இதுவரை கண்டிராத புதிய உச்சத்தில் வர்த்தகத்தை நிறைவு செய்துள்ளது.
இந்தியாவில் கோவிட்-19 பாதிப்பு எண்ணிக்கை மெதுவாக குறையத் தொடங்கியுள்ளது, முதலீட்டாளர்களிடையே நம்பிக்கை ஏற்படுத்தியுள்ளதாக வர்த்தக நிபுணர்கள் தெரிவித்துள்ளனர்.